تغريدة صباح الخير.. للشاعر عبدالصبور السايح
صباح الخير
على بلادى
على الدنيا
... على الاحرار
على بكرة اللى بنجيبه
من الاشرار
زمن صافى ومش مغشوش
ف يده وردة ومحبة
لكل الخلق مش خرطوش
------------------
صباح الخير
وشدة وربنا هتزول
وترجع مصر من تانى
عظيمة بأمر ربانى
وكل العتمة والتوهة
هتبقى فشوش
_____________
صبا ح الخير
يا أعظم شعب
ف عز الكرب .. يتوحد
ويتعاون ... ويتجدد
و يرمى حموله ع البارى
وكل الحزن على كتفه
ميضعفهوش
_________________
صباح الخير أقولهاكم
وانا حاسس باوجاعكم
وكل الدنيا حساها
وربك بالبشر أرحم
ولطفه كبير
صبااااح الخير
صبااااح الخير
ساحة النقاش