للبنت اللى عنيها العالم .... شعر عبدالله صبري

للبنت اللى عنيها العالم .... شعر عبدالله صبري
***********************
(1)
ممكن بلاش تتنهدي وقت الفراق ؟
ما بقاش خلاص عند الشجر
من احتياطي الأكسجين
غير نص تنهيده
(2)
ما تعاتبينيش
... آخر ب ح ب ك قلتها
كانت استراحه اربع حروف
بين جلطتـــين
(3)
ليه كل ماجي احضن عنيكي- في الخيال
باحِس إن الكون بحاله اسكندريــــــــــه
و انا رايح اشوط ضربة جزاء للإتحاد !!!
(4)
ما تبصيلوش زيي كده
بعيون ماليها الإنكسار
فاضل شويه و اخناتون
يصرخ يقول : ما توحدوووووووووووووووووه
(5)
محـــتار بجد أبــوسها و لا استني
بنت و ولـــد و الدنيا لمـــَّاحــــــــه
الجــاذبيـــه و الخـــروج م الجنه
و حاجات كتير بدأت بتفاحــــــه !!!
(6)
هي الكواكب مالها زعـلانــــه ؟
غيرانه و لا بنقلـــب التواريخ ؟
ألمـــس إيديكي تكشــــَّر الزهرة
أحــضن عينيكي يعــيَّط المريخ !!!