لما تحضر جلسه فى قضية جنح لأول مره وانت محامى جديد ... خللى بالك
_____________________________
شكلا : اصحى بدرى وجهز نفسك واستفتح باللذى هو خير .. القرآن الكريم ... البس بدله بلاش الجينز ... حضر اوراقك فى ملف وتتاكد من دفاعك و دفوعك .. حافظة مستندات لو حتتقدم .. + مذكره ان وجد ... انزل روح المحكمه ... اشترى دمغة حضور واحده عشان دى دايره جزئى ... ياللا بينا نشوف رولك كام .. يعنى دورك امتى .. دور بالاسم ورقم القضيه .. ساعات بيحصل خطا بالاسماء ... لاقيتها ... ياللا بينا ندخل القاعه ... استنى .. البس الروب تمييزا لك عن الجمهور .. عشان ماتلاقيش امين شرطه او حرس او حاجب يسالك انت مين ... ياللا نقعد على البنش المخصص للمحامين ... ارجوك ما تخرجش تشرب سيجاره كده ممكن الرول يروح منك ....
....... دورك جه ... ياللا اثبت حضورك ... حضر الاستاذ ... عن المتهم بتوكيل رقم .... وتحط دمغة المحاماه ... ياللا نترافع ....
استأذن الحاضر فى اثبات دفاعه و التمس المرافعه ... ودفع الحاضر ... اثبت دفوعك وانظر الى امين السر وهو بيكتب .. ثم وجه كلامك الى المحكمه ... ملكش دعوه باى حد تانى حتى لو كان محامى الخصم بيقاطعك ...
... كمل دفاعك ... و بناء عليه ... التمس براءة المتهم من الاتهام المنسوب اليه ... شوفت سهله ازاى ...
اهم حاجه تبقى عارف وواثق ان القاضى مش حيموتك او يقاطعك الا اذا لقاك مش جاهز ... انه انسان مثلك ولن يسطو على حقك الا اذا تبين له انك جاهل .... اقرا قانون المرافعات كويس جدا دا اهم حاجه عشان تعرف تتكلم امتى و ازاى ... المحاماه مش فهلوه .. المحاما ه علم وفن وهندسه ..بس فى الدفاع ...
...... وفقكم الله ....
