بحبك يا مصر تاليف الحسيني الطاهر
عطشان ياولد العم والمية عكار وطين
وأنا متعود أشربها صافيه وألقيها فين
وحشاني ياقله خالص و ياقله أقول لمين
أدفن بقك ف بوقي أروي عطش السنين
وأقول كلام فسرك ياقِلة السامــــــــــــعين
وكام دمعة ودمعة تنزل تنزل من نن العين
غريب والغربة مرة تكوي القلب الحـــزين
يابلادي ياغالية عليه حتشوفك إمتى العين
وحشاني يامصر يا خضرة وحشاني ياضل أمان
وحشاني قبلي وبحري يابوي وشرقي وغربي كمان
وحشاني يا الاقصر خالص يا تاريخ يا زمان يا مكان
يابشر يابو قــلب إنضيف يابوي لو أخدكم بالأحضان
ووحشني نهر النيل الغالي وحشاني قنـــــا واسوان
ساحة النقاش