تسابيح

سبحانك ياللى خلقت سمانا بدون عواميد
سبحانك ياللى بسطت الرزق بدون مواعيد

سبحانك ياللى زرعت النبته فى قلب الصخره
سبحانك ياللى خلقت الدنيا وراها الآخره

سبحانك ياللى أمرت الحوت ونجدت نبيك
سبحانك ياللى خلقت الرحمه نبينا صفيك

سبحانك ياللى نصرت كليمك على فرعون
سبحانك ياللى خسفت الأرض بملك قارون

سبحانك ياللى خلقت بقدره السما والأرض
سبحانك ياللى رحمت العبد فى يوم العرض

سبحانك ياللى خلقت الطير
سبحانك ياللى بايدك خير

سبحانك ياللى جعلت الفلك تشق بحور
سبحانك ياللى خلقت الأرض فى كون بيدور

سبحانك ياللى خلقت الجنه وحور فى قصور
سبحانك كلمه تملّى بقولها فى ضلمه ونور

سبحان الله وبحمده سبحان الله العظيم
بقلم طارق السيد