‏‎

العرب : اتكلمي يا مدينه
ساكته ليه حزينه؟
اتكلمي و قولي..
عن اللي بيجري فينا
القدس : انا غير كل المدن
لا دمشق و لا عدن
انا روح و انتوا البدن
وازاي نسيب بعضينا؟!
العرب : لابسه توب الحداد
على خالد أو زياد
بكره هتضحك عيونك
بايدين كل الولاد
القدس : صبرت كتير لقيت
بضيع بيت ورا بيت
صليت انا و دعيت
لكن زاد البعاد
العرب بثوره :
و حياة كل اللي ماتوا
و حياة كل المداين
هنحررك يا غاليه
وندوس على كل خاين
الكف و فيه سلاح
جايب شمس الصباح
هاتطيبي يا جراح
هاتعود يا أقصى لينا
اتكلمي يا مدينه..
ساكته ليه حزينه؟!

العرب : ازاي سجنك يطول؟!
مش ممكن ولا معقول
فيكي بيت المسيح..
منك أسرى الرسول!!
القدس : مع انكم ملايين..
سبتوا السكه اليمين
نفسي ف يوم حطين
نفسي ف همي يزول
العرب : و حق الإله المعبود
ل نخطي ع الحدود
ولا يوم هتنامي تاني
وانتي ف حضن اليهود
القدس : سنين فاتت كتير
واقصاكم أسير
كل اللي جي خير
بس اوفوا ف الوعود
العرب بثوره :
و حياة كل اللي ماتوا
و حياة كل المداين
هنحررك يا غاليه
وندوس على كل خاين
الكف و فيه سلاح
جايب شمس الصباح
هاتطيبي يا جراح
هاتعود يا أقصى لينا
اتكلمي يا مدينه..
ساكته ليه حزينه؟!

سيد صادق