جارى التحميل
استخدم زر ESC أو رجوع للعودة
خسارة فيك
لسه فاكر قلبي بعد الزمن اللي فات
لسه فاكر حبي ..ده الحب ف قلبي مات
لسه راجع ليّا تاني.....لسه راجع تترجاني
لسه راجع تقول بحبك واشتريني
لسه راجع بعد اللي فات تقول شاريني
مش هأقول كلمة بحبك مش هأقول
مش هأقول قدري ونصيبي لأ مش هأقول
مش هأقول كنت الحياة بالنسبة ليّا
مش هأقول الله يسامحك بكيت عينيا
مش هأقول كنت الدوا وقت مرضي
مش هأقول وابعد بعيد زودت مرضي
بس اللي أنا هأقول ليك..............
خسارة فيك كلمة شاريك
خسارة فيك كلمة بحبك طول حياتي
خسارة فيك وهأمحي اسمك من ذكرياتي
خسارة فيك نبضي وحبي لأنك أناني
خسارة فيك بعت اللي بينا بعت في ثواني
ابعد بعيد عني هنا وابعد بعيد
مش هاسامحك كرهي ليك كره شديد
مش هاسامحك لو دموعك بلت جبال
مش هاسامحك ضيعت عمري صدق اللي قال
الخسيس لاتأمن له ولا تدخله بيتك
وأنت خسيس واعتبرت في قلبي بيتك
بعد اللي فات واللي كان راجع تقول كلمة بحبك
كلمة واحدة بقولها ليك............................
لو حياتك بتناديك.................................
مش هأقولها.....مش هأقولها...مش هأقولها.... برضو ليك.
بقلم/محسن رجب جودة
مجلة همسات سندريلا مجلة ادبية شاملة تهتم بنشر ابداعكم فى شتى المجالات
