حنانك
جنانك
ولدغة لسانك
دموعك
رجوعك
وضامن مكانك
وسهرك بطول الليالى حزين
وعايز تفضفض تفضفض لمين
ونفسك تهنكر لكنك رزين
وكل اللى يبكى تفكر عشانك
حنانك جنانك ولدغة لسانك
.........
وتدبل سنينك وزرعك يشيخ
كلامك بيسكت وشعرك صريخ
فتدفن قصايدك ف بطن التاريخ
وتفرح كأن الزمن مش زمانك
حنانك جنانك ولدغة لسانك
...........
حياتك مجرد شوية حاجات
وحلمك واملك فى حالة ثبات
وعايش ف دور المغفل ساعات
وسامع شتمتك بعضمة ودانك
حنانك جنانك ولدغة لسانك
............
وعايش ف طل الهجير والعفار
محاصرك انينك وسوء لاختيار
ودمعك محدش عامله اعتبار
ودور المهرج ملخبط كيانك
حنانك جنانك ولدغة لسانك
.........................
عمده