قلبي الموجوع
قلبي ياموجوع
أنّيت وبالدموع
بكييت طفيت شموع
قادت من لهيب
وجع بين الضلوع
ياقلبي ياموجوع
ياقلبي كفاية خضوع
وأنين ودموع وخنوع
لحبيب حبّيته ماحبك
مشي درب ماهوّاش دربك
من بعد ما لف وداربك
سابك في هواه مخدوع
ياقلبي ياموجوع
مهياش آخر الدنيا
إياك تحزن ولا ثانية
إنساه ولا تسأل فيه
وإن جالك يوم ورّيه
إن إنت ياقلبي خلاص
مابقتش تفكر فيه
وخلاص مابقيت موجوع
ياقلبي ياموجوع
بكرة الدنيا تجيلك
وتنور قناديلك
وتشيلك على جناحتها
وتميّل بيك براحتها
وتطير بيك للجنة
بس إنت أطلب وإتمنى
وإسمع عصافير الجنة
لما تجيلك وتغني
هزة في ديلها المتحني
وأنا برضو ياقلبي هغني
إتهنى لأنك مني
وعشان في ضلوعي مزروع
ياقلبي ياموجوع
بقلم طارق السيد