****** ( حبــــــــــــــــيبتى ) ,,,, بقلم .. رأفت الشهـــــــــاوى ******

حبيبتى سحر الجمال فـ عنيها
كل الامانى الحلوة بلمسة من اديها
كنت اسهر واغنى للقمر السهران
فى صفا لياليها
واشوف ضحكة السما وبسمة النجوم
وبهجة الامل بتحوم حواليها
اطبع على خدها بوسه
وأبوس كمان رجليها
أفتح دراعى وفـ حضنى أضمها
اخاف من أى غادر يروح نواحيها
وقفت ادافع بعزمى وقوتى
لو ها اموت واندفن كمان فيها
سرقوا البسمة والضحكة
وقطعوا حبل الامل
دا كان رباط قوى بيها
وداعا يا أمة العرب
خدعوها حكامها
كحلوا عيونها بدموع الاسى
وقالوا ترياء ها يشفيها
وفصلوا لها فستان احمر بلون الدم
مطرز بعيون اللى ماتوا فى بطنها
واللى ماتوا فى ضواحيها
****************
’’’’’’’’’’’’’’’’’’’’’’’’’’’