… .،(بحب جديد)،……… ..
أشوف الكون على قدي
أعيش فى سكون ومين قدي
ويجي الليل على كوني
وأحضن همسه بعيوني
يمزج فرحتي وحدي
ومن فرحي أمد الإيد
وأشوفني بس أنا وقلبي
فى حب جديد
أشوف الأرض مبتسمة
بتحضن شمسها بحنان
يكمل زرعها رسمة
تخضر روحي فى الأبدان
وهمس الريح بميت همسة
تصفي الروح من الأحزان
مع الأحﻻم أعيش لمسة
أعيش بعدها إنسان
أشوف ظل الشجر
تحت الشجر عابر سبيل
وأشوف الشمس بتغزله
وليها ميل
ويتقابلوا ويتواعدوا
بشكل جميل
وأشوف الطير بيغني
يقول مواويل
براسه يهز مواله
ويعشق وكل يوم حاله
من فرحه يزيد ويشيل
ويتكلم يوجه لي
كﻻم قاله
ياريت العشق كان فى الإيد
وأكد لي لسان حاله
إن أنا وقلبي فى حب جديد
واشوف الكون فى يوم عيده
وﻻبس فرحتي توبه
وشايل م الهنى مواعيده
يعرفني على دروبه
يحسسني كأني وليد
ويمزج فرحي بأنيني
ومن فرحي أمد الإيد
وأشوفني بس أنا وقلبي
فى حب جديد
………. (شعر)……… .
... عبدالله السايح