‏‎

فكراني ايه..؟
عاشق متيم بيكي
عاشق أسير لعنيكي
قلبي اللي دايب فيكي
خلاص الشوق نسييه
ومهما تحلفيني
بشوقي و بحنيني
خلاص بينك وبيني
سور عالي بنيتي فيه

سيبك بقى م الماضي
وإياك تاني تنادي
الجرح ماكنش عادي
انتي اللي بديتي بيه
انا اللي كنت حبيبك
وانا اللي برضه هاسيبك
و مهما شوقك يجيبك
و لا هسأل حتى فيه
فكراني ايه...؟

سلمتك يوم زماني
سميتك الأماني
خديني من مكاني
لطريق مامشتش فيه
لا حبك كان حقيقي
ولا حتى بل ريقي
كنتي حلم ف طريقي
و صحيت م النوم ناسيه
فكراني ايه....؟

سيد صادق