جارى التحميل
استخدم زر ESC أو رجوع للعودة
أنا المصري
أنا بصرخ بعلو الصوت
أنا حزني ماله حدود
أنا دمعي بل جبال
والفرحة بصوت مكبوت
أنا المصري اللي داق المر
أنا المصري اللي شاف ابنه ف عز الدُهر
الدم سايل م الجبين......والأيدين متشبكين ع السلاح والعلم
أنا المصري...لا أنا خاين ولا تابع
أنا المصري...ولا عمري هاكون بايع
أنا شاري لأخر العمر.......أنا شاريكي يا بلدي
أنا شاري لأخر العمر.......لأنك أمل ولدي
أنا المصري اللي شايل روحه على أيده
أنا المصري اللي ضحى بابنه وحفيده
أنا المصري اللي عمره ما حد هايهينه
أنا المصري اللي بايع عمره وسنينه
ده أنا المصري
دا أنا لوني كمان لونك........دا أنا دمي سال على حدودك
أنا ابنك ....أنا عزمك أنا ضلك.....أنا شمسك
دا أنا الضل اللي حامي ولادك وأراضيكي
دا أنا الضل اللي طول عمري هاكون جمبك وراضيكي
دا أنا النار اللي تحرق كل خاين ليكي
دا أنا النار اللي تحرق ف أعداءك وتحمي أراضيكي
لا أنا خاين ولا تابع
ولا عمري هاكون بايع
دا أنا المصري.............بقلم/محسن رجب جودة
مجلة همسات سندريلا مجلة ادبية شاملة تهتم بنشر ابداعكم فى شتى المجالات
