ليه بتهربي
بقلم موسى عثمان

يا نجمه نزلت م السما ع الأرض
ليه بتهربي وتقابلي شوقي بصد

أنا لو بأيدي أفرشلك الكون ورد
وأرسم شفايفي فراشه فوق الخد

وأجري عليكي
وأحضن ايديكي بشوق

أدمنت حبك
خلاص مش ناوي أفوق

وان كان عليا
أنا كنت جيتلك فوق

ومدام نزلتي
ملوش لزوم البعد

حاولي حبيبتي
تقربي مني

ساكنه في حضني
ولو بعيد عني

وبحاول اثبت كل ده لأني

حبك في قلبي
ملوش مدى ولا حد

ليه بتجري مني وتبعدي
وأنا ليكي

ما هو غصب عني
أني بدوب ف عنيكي

مش عارف أعمل ايه
عشان أرضيكي

وعشان تحسي
اني بصون الود

بقلم موسى عثمان