من بعيد لبعيد
بقلم موسى عثمان

بحبك من بعيد لبعيد
وخايف حتى أقرب لك

أنا عمري ما كنت سعيد
ولا عرفت الغرام قبلك

مشفتوش إلا وياكي
وكل منايا ألقاكي
وبحلم بيكي يا ملاكي
ومستني في يوم أقابلك

عشان أقولك بحبك موت
سنين ضاعت في خوف وسكوت
دا كل منايا قبل ما أموت
أقولك إني مشتاقلك

وتاخدي مني ميت بوسه
على شفايفك
ولو توهتي في وسط الناس
فقلبي من بعيد شايفك
وعارف إني بالإخلاص
هجيبك أصل انا عارفك
مبتحبيش كده وخلاص
ومحتاجه اللي محتاجلك

وعاوزه فارس الاحلام
يموت روحه علشانك

وياخدك ع الحصان قدام
ويرمي نفسه في أحضانك
وعاوزه قلبه وياكي
ويسجن نفسه جواكي
ويسرح بس في هواكي
ويتنفس هوا قلبك

وميشفوفش في بنات الكون
ولا واحده في جمال وصفك
وتبقي ليلى والمجنون
يهد الكون دا لو خالفك

وأنا يا حبيبتي مجنونك
وشايف نفسي في عيونك
ولو صدقتي في ظنونك
متنسيش
إن أنا ملكك
وعلشانك ومحتاجلك
بقلم موسى