و فاضلك ايه .. راح تبكي عليه ..؟
بيعدوا علينا اﻻنفاس ..
والنفس الطالع بيقولوا ليه ..؟!
أكتبه هربان ف الكراس ..!
حلمنا بالقوه و سرقوه ..
و أملنا ف بكره و حبسوه ..
والظلم علينا و طلقوه ..
ماسك السيف ف ايديه .
لخموك ف اللقمه و ف القوت .
وعشقت حﻻوة النبوت ..
وسكوتك بيحلي كﻻمك .
ربطوك ف الساقية و غموك ..
وقالولك ( شي ) زي أبوك ..
خلوك مش شايف قدامك .
و شافوك طيب .. غلبان
رمولك عضمه ب إحسان
قال يعني دي حقوق إنسان
ملعون الظلم علي أبوه
حلمنا بالقوه و سرقوه ..
و أملنا ف بكره حبسوه ..
والظلم علينا وطلقوه ..
سيفه و ماسكه ف ايديه
وفاضلك ايه ..؟!!!
سيد صادق
