الصّبح بكير ..
وبعدها قطرات النّور 
تحضن حفنات من العتمة 
ومعها ريحة أيلول 
معطرة بكمشات الندي
بتفيق بقلبها الذكرى 
بعد غفوة سنة ورا سنة 
يا موج السهر بلياليك 
ياحكي حب مسيج حيطان دارها
أيلول .بتروح وبتجي 
ووراقك الصفرا تحمل سرار ها
شو تعبت العين فيك من النطرة 
تلاحق الدرب ..
وهمس خطوات الناس 
بنت تطلع بملامح ال عابرين 
تسأل وماحدا يسمع 
وين اللي كان 
بوجودو يزهر أيلول 
وين ال غاب 
مع آخر أيام آب ....
ويمروا بجنبها 
بإيديهن ورود 
ووراق صغيرة 
وهي...
العشب ييبس ع كفها 
ومي من العين يهدهد رمشها 
يسقي الدني مواويل 
وترجع.. و قصف زيتون عكازها 
وورقة وقلم محتار 
شو جواتها 
و يسافر نظرها 
من ضفاف شباكها ..
وآه ... تقول 
أيلول 
و الدني كلها أيلول ....