مَــسَـاءَ الــوَردْ يــا طَـشِّـي
ورَشِّــي, والـهَوَى الـجَيَّاشْ
.
مـعي لَـكْ دَينْ في رِمشِي
وفـي قـلبي معي لَكْ كاشْ
.
ومِن مِـلحِي ومِن عَيــشِي
لَـكَ الـعَهدَ الـذي لَـكْ عـاشْ
.
ولَـو بـاقِـي زَعَلْ أَو شِـي
أَنـا حـاضِرْ.. ومـا شَسْخَاشْ
*****
مُـحَـال انـسَـاكْ يـا نَـقشِي
بـصَـفحةْ خـافِـقِي الـرَّعَّاشْ
.
أَنــا فــي غَـيـبَتَكْ أَعـشِـي
إِذا مَـنْـتَشْ مـعـي مـا رَاشْ
.
دُمُـوعِـي شَـوقَـها يُـفـشِي
بـسِـرَّكْ لَــو شِـبِـعْ طِـنَّـاشْ
.
وزَادَ الشَّـوقْ فـــي رَعـشِـي
وظـامِي الـشَّوقْ مـا يِرْوَاشْ
*****
أَنـــا حـارَبْـتْ بَــكْ جَـيـشِي
وسُـلـطَةْ دَمـعِـيَ الـرَّشَّاشْ
.
وخَـلَّـيـتَكْ عــلـى عَــرشِـي
فِـرَاشَـكْ مِـن سَـنَا وارْيَـاشْ
.
إِذا حُـبَّـكْ سَـفَـرْ شَـمْـشِي
عـلـى كَــفَّ الـعَدَمْ والـلَّاشْ
.
ولَــو حـتَّى عـلى نَـعشِي..
مَـعي لَكْ شَوقْ ما يِنسَاشْ
*****
جَـفَاءَكْ شِـي, وحُـبَّكْ شِي
وحُـسْـنَـكْ آخِـــرَ الإِدهــاشْ
.
مَـصِـيرَ الـمُـرتَشِي يِـرشِـي
ومَـن عـاشَ الـخُدَعْ يـعتَاشْ
.
فـلَـو قَـصْدَكْ مَـعي تِـمشِي
طَـريـقَ الـعاشِقَ الـغَشَّاشْ
.
أَنـــا أَنــكَـرْتْ بَــكْ عَـيـشِي
إِذا غَــيَّــبْــتْ مَــعـْـرِفْـنـاشْ
*****
حَـبـيبي.. زَادْ بَــكْ طَـيشِي
ومَـن مِثلَ المُحِبْ لَو طاشْ!
.
أَبَـــاتَ الـلَّـيـلْ كـالـمَـغشِي
مُــرَاعِـي لَـحـظَـةَ الإِنـعـاشْ
.
أَضُـمَّـكْ طَـيفْ فِـي فَـرشِي
وأَتْـسَاقَطْ شَـجَرْ وَاْعـشَاشْ
.
وأَتْـقَـلَّـبْ عــلـى جـِمْـشِي
كـأَنـي جُـرحْ فَـوقَ الـشَّاشْ
ــــــــــــــــــــــــــــــــــــــــــــ