قصيدة مش مهم ...للشاعر المصرى سمير احمد القط

<!--

<!--<!--

مش مهم مين هيكسب فى النهاية
مش مهم مين فى ايده كان البداية
مش مهم اى خطوة من الخطاوى
المهم الوطن فى كل حضن و انك تكون دائما معايا

مش مهم
مش مهم مين فينا اصلح
مش مهم مين فينا انجح
مش مهم نختلف وفى اى شئ
المهم مصرنا هى اللى تربح

مش مهم

مش مهم نخط الفوارق
مش مهم نسبق نسابق
مش مهم نعترض او نخانق
المهم الايادى نمدها لو فينا غارق

مش مهم
مش مهم ...حتى المكان
مش مهم ....مين فينا بان
مش مهم لهجتك او حتى لونك
المهم نتحد مايكون فينا ند او مجرم جبان

مش مهم  
مش مهم نسعى لمكاسب
مش مهم مين نجح او حتى راسب
مش مهم نسعى لكل كرسى لكل جاه
المهم ننتفض للحياة ولكل غاصب

مش مهم 6
مش مهم صبرنا يطول شوية
مش مهم مين فينا كان كان الضحية
مش مهم يشدنا ماضى بغيض
المهم تترسم ضحكة لو لك وليا

مش مهم

مش مهم مين وطنى وللحب آيه

مش مهم فينا خط او بدأ اصل الحكاية

مش مهم مينا فينا غلط او حتى خاب

المهم نمتلك القلم ونبدأ رواية

       مش مهم

لا مهم ....اننا صورة واصل

يوم ماحد يتعب مننا ..التانى مصل

يوم ما غيرنا يضددنا نكون له نصل

يوم مامصر تنده لنا ...نسبق ونجرى

يوم ماغيرنا يلعب بنا مايفرقنا فصل