" آآآآه من عشقك .. "
أنا اللي عشقك ياما صبرني
بس لإمتى .. أنا هافضل صابر
ليه أنا هُنت .. وإيه صغرنى
وليه ف دروبك دايماً حاير
يومي بيعدي .. وبا ستنى بكره ودي حكايه .. بقالها زمان إمتى ها حس إن فيكي أنا عايش
وبكره بييجي .. ماعندوش فكره
إني باعاني .. من قبل أواني
عايش آه .. لكن نكــــــــــــــــره
حكاية مواطن .. المفروض .. إنسان
بيصحى يجري على قوت يومه
نفسه يلاقي .. خلاص لهمومه
نفسه يلاقي ف بلده .. مكـــــــــــــان
موجود بجد .. ومش عالهامش
هو أنا ذنبي .. إني عشقتك
وإتربيت على عشقي لسيرتك
آآآآه .. لإمتى لدمعي أنا هافضل حايش
