في ليله قلبي خَدْني وطار بيَّ السَّحاب وسألني مين حبيبك احترت ف الجواب قَال لي طابْ يَلاَّ نحلم بأوصاف الحبيب واللي م الفِكر ديما ومن روحك قريب أنا قلت ويَّايا طِيفه وحاسس لمسته مش عارف بس اشوفه من حسنه وروعته طيف لطيف حِنَيِّن ملوش ف الكون مثيل له طلَّه الله عليها بلسم يشفي العليل له نظره احترت فيها تخدك بس وبتجيبك مبتعرف رحت فين ولا حتى ايه اللي جابك تخدك ف دنيا بعيده منسوجه م الخيال كل معانيها جديده رقَّه وحب وجمال حبيبتي يا قلبي نَفْحَه وهديه من السَّما نَزْله للأرض تُخْطُر زهره ومتبسما أخلاقها نور وفاضت بتعلِّم الصبايا ازاي يكونوا عفَّه ازاي يكونوا آيه حِكْمه والعقل فيها رحمه والخير مليها حب وحنان يا قلبي يكفي الدنيا وما فيها قال قلبي خلاص كفايه يا صاحبي دا مستحيل أنا قلت هيَّ حبيبتي ومليش عنها بديل قَا ل لي حتعيش وحيد وانت بالشكل دا بعيد أملك بعيد لو عايز كل دا أنا قلت الوِحْده أهْوَن ولا إنِّي أعيش بعيد عن حلم جميل ملَكْني أنا بحلمي سعيد وفجأه وبدون كلام لقِتْها هيَّ هيَّ كنّا ف وسط الزحام ولا شُفْتِش إلاّهيَّ هيَّ يا قلبي هيَّ اللي حَكيتلك عليها هيَّ يا قلبي هيَّ هيَّ بنظرة عنيها هيَّ صدَّقني هيَّ بالبسمه اللي عَرِفها هيَّ يا قلبي هيَّ اللي بروحي شايفها ونْسينا كل الناس وتاه منَّا الزحام مبقاش غير بس عنينا دايْبين سوى ف السلام حبيبين تايهين واتلاقوا من بعد شوق وحَنين حبيبين ع الحب اتعاهدوا من قبل اللُّقا بسنين وجت عليَّ ورُحْت وخََتْ إديها ف إيدي حسِّيت إن الزمان بيقولِ لي افْرَح يا سيدي بيقول لي افْرَح يا سيدي
