شم النسيم هَل علينا يالا ياجدعان

ناكل ملانه وفسيخ طازة ونحلي كمان
وبيض ملون ياحلاوته من سبت النور
اشكال بديعة وحلاوتها زى البنور
وفسحة وقت الصبحية تملانا سرور
وشمس دفيانه هنية داير ميدور
بتلم صحبتنا تملى فى غدا وفطور
مابين قوارب ومراكب الكل سعيد
بيغنى ويعيش ويواكب لو حتى بعيد
ع الشط والنيل نتجمع والايد ف الايد
وفى الغيطان ضحتنا تسمع باغانى فريد
ادى الربيع عاد من تانى ياسلام ياسلام
بالفرح نحيها امانى على طول لايام