الى رفقاء الدرب .. الى رفقاء الطفوله .. الصبا .. الشباب .. الى زملاء الدراسه .. العمل .. الى كل جار .. الى شركاء التاريخ .. المصير .. الى شركاء الوطن .. اليكم يامسيحيى مصر .. أهدى هذه الأبيات .. كل عام وانتم جميعا بكل خير
ياشريكي في الوطن ياشريكي ف أى أزمه ياشريكي ف سنين وتاريخ
بيحكي عنا الزمن
الدار ف ريح الدار
ما يفصل إلا جدار
لكن القلوب واحده
قدام كل المحن
وحدتنا بتصبح لازمه
لما يتآمروا علينا
يشقوا بينا وادينا
ده الدم لونه واحد
ياما بيه دفعنا التمن
لاضمين قسيس ف شيخ
مصيري هو مصيرك
واللي يضيرني .. يضيرك
الدين لله وحده
وأنا وانت .. لينا الوطن
