أنا ضحيه .. والﻻ أنا جانى .... أنا الفريسه .. والﻻ الصياد
زمني ف صفى والﻻ عادانى.... أنا غريب .. والﻻ ده المعتاد
أنا الشمس اللى مشتاقه لنهار .... والﻻ نهار .. مش ﻻقى الشمس
والﻻده غروب آخر المشوار .... وتايه مابين .. باكر .. واﻷمس
أنا كلمه .. تايهه ف نص .... والﻻ نص .. عايزله كﻻاااااام
من صورة الدنيا .. مقصوص قص .... جمله .. آخرها اﻹستفهام
والﻻ أنا رسمه جوه الصوره ... بألوان باهته .. كما الضباب
والﻻ دى صوره كانت محشوره .... بين أحﻻم .. أوهام وسراب
انا مركب .. بﻻ أى شراع .... والﻻ شراع .. مكسور على مركب
أنا عنوان .. ﻷى وداع .... والﻻ لقا .. بكركبه مترتب
أنا ﻹمتى .. وليه .. وإزاى .... هافضل داير .. سايح جوال
أنا عمرى راح .. والﻻ لسه جاى .... وإيه آخر الرحله .. والترحال
وتفوت سنين .. وراها سنين .. وهافضل أسأل .. هو أنا مين
أنا جواب .. بﻻ أى سؤال .... والﻻ سؤال .. إجابته محااااااااااال ؟؟؟؟
