اااااااااااااااااااااااه ياولــــــــــــــــدى
اااااااااااااااااااااااه يا وجعى
ااااااااااااااااه يا وطنى
ااااااااااااااااه ياولدى
نهشوك الديابة
صفوا دم الغلابة
ااااااااااااااااااااااااااه
يا نور عيون أبوك
حرمونى من ضمك
حرمونى من بوسة على خدك
حرموك تسمع صوت امك
او بالسلام تحنى كف اختك
اااااااااااااااااااااااااااااااااااااااااه
يا دموع العين يا مكتومة
يا أم ثكلى ومكلومة
يا صرخة ضنا فى الحشا مكتومة
اااااااااااااااااااااااه ياولدى
ااااااااااااااااااه يا كبدى
دبحوك بالخناجر
خلوا دمك يملى الجرادل
خطفوا عمرك
اللى راح واللى فاضل
اااااااااااااااااااااااااااااه
يا جندى يا مجند
يا احمد يا جرجس يا محمد
شايل روحك على كفك
تحمى عرض امك واختك
أبن الحرام فى الدرة لبدلك
خطف عمرك وزود حزن اهلك
اااااااااااااااااااااااااااااااااااه
يا فارس الفرسان
يا ابو شال على الجنب مال
فارس وعلى الفرس خيال
قتلك واطى خسيس وجبان
بالسن يضحك
وينطق بأسم الرحمن
لكن القلب اسود
والراس راس تعبان
اااااااااااااااااااااااه ياوجعى
ااااااااااااااااااااه يا وطنى
ااااااااااااااااااااه يا ولدى
حزنى كبير ولا يتلم
هبكى عليك بدل الدموع دم
هبكى عليك طول العمر
أبكى عليك ولا عا الوطن
ولا على قلبى اللى تلكم
اااااااااااااااااااااااااااااا ه يا ولدى
بفراقك الفرح فى دارنا بطلناه
وفرحك مع الحفار دفناه
اااااااه ياعود طرى وتلوى
ميل ومال على الا رض
مبارح كنت فى وسطنا
واليوم تحت الثرى
اااااااااااااااااااه ياولدى
قولى عليه يا قايلة قولى
حزنى عليه وقعنى من طولى
يا مكفن كفن الغالى
ويا ملحد دارى عليه التراب دارى
لا طبل ولا مزمار
يدخلوا دارى من تانى
ااااااااااااااااااااااااااااااه ياولدى
اااااااااااااااااااااااااااااه يا كبدى
ذبحوك يا ولد
خنقوك يا وطن
ضربوك بسهم العفن
صحوا القديم اللى اندمل
دم الخيانة فيهم انسكب
وتوب العار ماليهم عفن
ااااااااااااااااااااااااا ه يا وجعى
ااااااااااااااااااااااه يا وطنى
اااااااااااااااااااااااه يا ولدى
جايلك ومعاى وصيتك
قولوا لامى متبكيش
يمكن اروح ما اجيش
متلطميش على الخدود
خلى دموعك بارود
أسمى فى سينا مكتوب
عا الرمل وكل الدروب
أسمى وأسمك مخلوق للخلود
افردى طولك .وعليا متحزنيش
وأنت يا خوي
اوعى بكلامهم يخدعوك
وبدعوى ايمانهم يخدروك
وفى طريقك
يزرعوا الغل والشوك
هيقولك جهاد وفزاعة
ويلبسوك توب الشجاعة
اصل الحكاية مرتاحة
خروجنا م الجنة كان بتفاحة
يا اخوى يا ولد امى وابوى
اسمع كلامى ومتعصنيش
توب الوطن غالى
والوطن هبيقى ويعيش
خلى سلاحك بايدك
خد بتارى .. طفى نارى
هيبقى الوطن
انزف اموت .. تعطش تجوع
هيبقى الوطن
هينضف من كل العفن
اوعى تنكسر .. وليهم متنحنيش
محمد ابو العبادى
الجمعة .24 اكتوبر 2014
