متفكريش أنى من غيرك هموت
ويختفى حلمى وقلبى يعلن السكوت
لا لا لا
انا بيكى من غيرك هعيش
اضحك وأبكى ميهمنيش
لو كان الحب مات بقلبك
أنا بقلبى لسة صاحى
ولبكرة هيعيش
وحياة الجرح اللى سببتهولى
وحياة المر اللى شربتهولى
لآنسى جرحك ونارك وحبك
وشوقى لحضنك
هنسى وأعيش
هنسى غدرك وسنينى اللى عدت
في هواكى وحب كان ما يتنسيش
هدوس على قلبى وانسى حبك
حتى لو شوفت دمعك سايل على خدك
عليا متصعبيش
متفكريش أنك انتصرتى
لما خنتى قلبى اللى كتير وعدتى
انك من غيره متعشيش
لا يا حبيبتى . أنتى اللى خسرتى
ولو عايشة موتى
أنتى اللى نسيتى حبى
وليلى اللى كتير سهرتى
وهجرتى وبعدتى
وكأنك متعرفيش
روحى وعلى جرحى عدى
ولقلبى صدى
روحى ومترجعيش
محمد ابو العبادى
