أنا شفت جدع حليوه 
ماشي بيتغندر
سألت مين الجدع
قالوا من البندر
قلت أسألولي عينيه
دي شارده ب تدور
علي قلب تاه وياه
شايفو كما العنبر

**********
ردوا عليا وقالوا
دا جي علشانك
من يوم لمح رمشك
سناره راح شابك
قلبه في غرامك داب
دايب فدا كعابك
ارميله نظره رضا
خليه من احبابك
قرب يجن جنونه
غاير من أحبابك
حني وبلاش قسوة
وضميه في رحابك
**********
حطيت ع القلب ايدي
لقيته جوه ف وريدي
ساكن ومتربع
مستني يوم عيدي
تكمل سوا فرحتنا
وقلبه يكون سيدي
وندوب من الفرحه
تنهيده تنهيدي
بكره معاه أحلي
حتي اسألوا وريدي