ياخساره
ياخساره كنت مخدوع
فكرت لما انتفضتي
شمسك
هتبقي اخر سطوع
توهنا كام سنه حقيقي
بس
ماهمناش ايه الموضوع
عم عبد الراضي صاحبي
قالي افهمك ياعم يامخدوع
الحكايه ان الثوره ياحبيبي
شطبت علينا وقربنا نجوع
قولت له سديت نفسي
وتعبت قلبي الموجوع
يلا نتفرج علي ميسي
قالي ياعم النور مقطوع
عمرك شفت اسعار بتغلي
في شهر الصوم والخشوع
واخر الشهر كل تاجر يزكي
من دمي ودمك بمال مدفوع
ويدعي ربنا يتقبل ويبكي
ويقولك انا حاسس بخضوع
لربنا انه اتقبل زكاتي ويا صيامي
بالذمه ياناس في كده خشوع
