هي دي مصر ايوى دي مصر
مصر الثوره مصر الحرّه
مصر شباب النور و النصر
هي دي مصر ايوى دي مصر
هي دي مصرنا أم الدنيا
ودولا ولادها في الميدان
رفعين راسها في كل الدنيا
جيبين بكره خير و أمان
ريحين بيها من نصر لنصر
هي دي مصر ايوى دي مصر
هي دي مصر كرامه وعزّه
ورجال يبنو في كل مكان
وعيّ وفكر اخوّه معزّه
أمنا وَحده مصيرنا كمان
وامنا غاليه علينا دي مصر
هي دي مصر ايوى دي مصر
هي دي مصر شهامه ونخوه
وشباب واعي مهوش غفلان
حضاره عريقه ثوره وصحوه
ونهضه اكيده اشهد يا زمان
على ثورة مصر و عظمة مصر
هي دي مصر ايوى دي مصر
هي دي مصر مكانه و هامه
و الكون كله عارفها تمـــام
ساعة الجد ترابها كرامـــــه
حربها حرب سلامها سـلام
و الامجاد زايده على الحصر
هي دي مصر ايوى دي مصر
محمدامام
ـــــــــــــــ
