قصة يوسف عليه السلام لأول مرة انفراد القصيدة العاميه قصص الانبياء 
القصيدة الشعرية بقلم الشاعر 
أحمد إبراهيم (الجزء الأول )
رؤيه ومنام 
كل الكواكب ساجدين 
حتي القمر والشمس 
ليه ساجدين صديق كريم 
قال المنام يعقوب وقال 
إياك يا يوسف 
يوم تبوح بالكلام 
أخوات لئام كرهين ليوسف 
كرهين كمان لبن يامين 
وفكروا ودبروا 
ازاي ليوسف يبعدوه  
أو يقتلوه أهم شئ 
ميكونش يوم ف حضن أبوه 
في وسط بير و بيحدفوه  
كاسيه الدموع كل الرموش 
وقالوا يوسف اتقتل 
والديب لائيم كان السبب 
الديب قتل ودم يوسف 
ع القميص 
واحنا يا بونا مظلومين 
من دم يوسف 
لو كنا حتي صادقين 
صرخة وخوف والدمع 
نازل من عيون يعقوب حزين 
سكن الجسد جبل الأنين 
واخد في حضنه بن يامين 
خايف عليه 
في حضن بير يوسف أسير والخوف كاسيه 
باكي بدموع يوسف حزين 
من غدر اخواته اللئام 
والدلو كان نازل في بير 
يوسف وماسك بالايدين 
والدلو طالع والبدر هالل 
بالجمال ده مش بشر 
ده ملاك يا بشرة 
سارة للجميع يوسف باعوه 
حبة دراهم معدودين 
قصر العزيز عايش سنين 
أصبح شباب والحسن خاطف العيون كل البنات 
والنساء والله بيوسف مغرمين لكن ده يوسف النبي 
انسان تقي طاهر كريم 
والسجن كان هو المصير 
***************
بقلم الشاعر / أحمد إبراهيم