أنشودة الحياة
انا عربى فلسطيني
☆☆☆☆☆☆☆☆☆☆♡
فلسطينى
انا عربى عربى فلسطينى
بعشق سمايا وطينى
عاشق بلادى يا ساده
وعاشق كمان الشهاده
فلسطين دى وطنى وطينى
ولا يهودى بخلينى
ارضخ له يوم  ابدا ابدا
ولا اى حاجه توطينى
انا ابن الشهيد اللى بكى
ممات ابوه فى المعركه
وقلبى عمره ما اشتكى
امتى الجناح اللى انكسر؟
راح يجى يوم وينتصر؟
وامتى يجى اللى انأسر
ويتجبر اللى انكسر
؟
وامتى يعود المغترب
والحرب مش حرب اليهود
الحرب عرب مع عرب
؟
البؤس ساكن من زمان
معدش يبقى النور امان
وعروبه تطرطق الودان
يا عروبه باللى متمزقه
هى الكرامه بعزقه
اوعى تقولى اسكت بقى
قوللى طيب ايه  مالك
 ليه
دايما خايفه خيالك
انتى الام
وراميه عيالك
والشده مش لايقه
عليكى
مضايق منك وعليكى
اتكلمنا والله كتير
نفسى فى شوبة تطهير
نشوف لبكره شقشقه
وكفايا الماضى الاسير
والحاضر قاعد ضرير
تعالوا نوعد بكره
ايوه بالتغير
ده بكره لسه
فى الشرنقه
وكفايه شقي
ويحلق يطير