آسف
......
آسف..
إن الرب خلقني بقلب ملاك
عارف..
إن ضميري الصاحي 
دايماًبيآخدني لسكّة
آخرتهاهلاك
رافض..
إني اتغيّرولّاأغيّر
من أخلاقي
لوحتى مفيش..
ف العمربواقي
منيش ندمان
على عمري الضايع ع المبدأ
ومنيش زعلان
مناأصلي كمان
مش ضامن امتى ح اقابل
رب كريم
بتقولوا:غشيم ؟!
مفهمتش إن الحق ف دنيتنا
أصبح مرفوض
وملهش وجود
غيربس ف عقل اللي بيشبه
أمثالي !
أنامالي ؟!
ماتردوا..
ياصحاب العقل الموزون
والكلمةاللي بتطلع ليها
ميت شكل ولون
مين فيكم بيحط دماغه
وينام مرتاح؟
لوكل صباح
بيغيّروشّه بألف قناع
وقناع!
ويقابل..
كل الخلق بيضحك
والضحك كتير 
أنواع
فيه ضحكةتغش
وفوق الوش
قصادالخلق تبان
إنماف القلب تلاقي الضحك
ملهش مكان
وكمان..
فيه ضحكةبتطلع م القلب
تردالروح
وبتسعدياماكتير
وبتشفي جروح
فيه فرق كبير
بين إنّك تضحك ع الناس
أوتضحك ليهم
والضحكةتكون من قلبك
علشان تواسيهم
أوتضحك ضحكةفرحان
وبيشمت فيهم
دوّرعلى نفسك
بين دولاودول
ف الآخرقول
لوتقدركلمةحق وتكسب نفسك
لوحتى ح تخسردول ..أودول
....................
للشاعر/ابراهيم عوض

من ديوان"حلم الوطن"