انشودة حياة
القاهرة
5/11/2017
مذيع فظيع
☆☆☆☆☆
...............حلنجى...............
حلنجى
كلامنجى
بلسانين
عامل نفسه غلبان
وشايل هم الانسان
حلنجى وكلامنجى
استاذ فى اللكلكه
كانه فى مملكه
كلامنجى بمكرفون
وبدله مظبته
لزووم الحفلطه
يطل كل يوم
ومعاه كام كوم
بشيلك هموم
هموم
فوق الهموم
ديكور حلو بديع
عامل نفسه مذيع
عامل من حتتك
وعارف شقتك
ممكن من العض
تجرح شفتك
قاعد فى التكيف مدفى
عامل ابن حلال مصفى
كلام يعل
يشل الكل
وقال علان
وسوى فلان
دلوقت معانا
كام اعلان
والتانيه ام الشعور
فاكره التشهير
فصاحه
كلام بكل بجاحه
لو
انتوا عايزين الصراحه
راحت فين الرقابه
عشان تحمى الغلابه
كلامنجى وكلامنجيه
ع القنوات الفضائيه
اللى حاصل حاصل
وايه حاصل ضرب
ضرب الاخلاق
فى مفاصل
فاصل ونواصل
فاصل ونقطه
وسؤال
نلاقى اهداف تنقال
اعلام كدب وتدليس
اعلام بجد رخيص
الوضع بجد بغيض
يخلى البغل يبيض
الصوره بقت تفقع
لا فيها فن ولا تحميض
الوضوع بجد بغيض
يازمن الصورة بألف لسان
والعنوان مش العنوان
حان الان والان حان
فاصل ونواصل
والحاصل مش هو الحاصل
من غير كلام ولا تقطيع
مش المذيع بس اللى فظيع
فى بلدى الجهل كتير
والفساد ميت الف قطيع
