أنشودة الحياة
(50)
المهرج
15/8/2017
المهرج
أنا المهرج
تعال 
   أتفرج
   يامتفرج
على الحركات
جاهل ومثقف
  انتبه صقف
للجايات
انا المهرج
 ضحكى 
عالى
مايوطاش
وحزنى
جواى 
علشان يطلع
 مبيرضاش
حزنى مايعلاش
     عن الضحك ما استغناش
سعادتى ووشوكم 
 لما تضحك
ما انسهاش
عايش بكيفى
حلالى رغيفى
نايم فى صيفى
ما أتغطاش
بردى وشتاى
حبيبى معايا
 مستغناش
ومن غير وليفى 
ما اتهنأش
انا المهرج
تعال 
اجرى اوعاك
تقع
او تمشى تعرج
اللى يشوفنى لازم يضحك
انا لا بكدب
ولا بكاش
انا روحى قطن
وعمرى شاش
انت رقيق
انا بريء
قلبى زى الجلاش
ازعل ليه
احقد ليه
اكره ليه
والصراحه اصل السماحه
ياناس ببلاش
شرفى وحيدى ويوم عيدى
انام مرتاح انا وضميرى
يسامحنى غيرى
واسامح الكل من غير نقاش
فى ايدى سبحه والتانيه كحكه
مرسومه بفن المنقاش
اسمع يا سيدى
عمرى لحرام مامديت
ايدى
الواطى غشاش
وبيته مايعلاش
النتاش
مهرج يامتفرج
تعالى يالله اتفرج
الفاكر يحكى للناس
الحاضر يقول للى مجاش
تعالى يا بيه مستغرب ليه
معكش فلوس رح يجرى ايه
الفرجه فيها ببلاش ولومعاك
اوعى تبخل لايمنى يالله ع الكاش
قرب قرب ولا تستغرب 
عن خفة دمى مبستغناش
وعلى فرحتكم تحكيها فى بيتكم
وما تنساش
انا اللى راح و لا جاش
ودفع ولا حاش
الحزن جوايا باش
الدنيا تخبط فيا
عادى ولا يجراش
انا المهرج يا متفرج
انسان ابن انسان
متعلم حركات جنان
انس انا أنس
اوعاك تفكرنى جان
بهلوان مش بهلوان
لكن ضحكى فى كل مكان
انسان ايوه انسان
مهرج لروح الانسان
متفرج وشاهد
على الزمان
تم