قصيدة 
جربت--بقلمى سمير الجمل (الشلال)
جربت
جربت تبيع وتضيع
وتفكر فى المواضيع
وتهون وتخون جربت
جربت
جربت الويل
وسهر الليل
مع المواويل جربت
جربت تروح
من غير ماتبوح
وتفوت لى جروح
جربت
الدمع السايل
اللى قايل
على الذكرى
والبخت المايل
جربت
بعدت ما اقربت
واديك جربت
جربت تغيب
تقول الاه
ويا الحياه
ترد عليك
تقول ده نصيب
روحت وجربت
جربت طبعى
ولمسة صوابعى
الشوق تعبنى
وجرح صابك
وبعده صابنى
جربت
عرفت مين على قلبك دق
وانى ارق
طب عينى فى عينيك
وقول الحق
قلبك رق ولا لأ
تسهر صباحى
وقلبى صاحى
قاعد وفارد
الشوق جناحى
طب عينى فى عينك
وقول الحق
ان القلب داب وانشق
اوعى تقولى مليون لأ
يا اغلى حبايب
من غير زق
انا قلبى تايه
فى العنوان
قول الحق
ده عنوانك ولا لأ
قول الحق
قلبى عشانك
جواه عنوانك
بتعرف تقرا
ولا لأ
كده قربت
وخلاص...جربت