جارى التحميل
استخدم زر ESC أو رجوع للعودة
***** واقع مرير *****
أزاى بتقول برئ
وأنت مخطط تخطيط
ومظبط التكتيك وعامل حويط
أطلع من هبلك ياعبيط
كذاب والكذب باين فى عنيك
وشايف نفسك وبتقول قلبك جرئ
فايق أنت ولاشارب حاجه على الريق
أسحب نفس عميق لتتخنق وتفتص فتيص
وخدلك ركن في طريق
وبلاش شغل التلكيك
الغدر طبع فيك راجع تقول صديق
أنت عدو وباين عليك
قلبك مشعلل حريق
شغلك سرقه وتهليب
متعرفش ربك إلا فى وقت الضيق
وشيطانك غالب عليك
ولسانك متسلط عليك
وكل الناس بتذم فيك
حياتك بحر عميق
مش خايف تموت غريق
كلامك زعيق ونهيق
ظالم وعايش على التلفيق
وواخد على المحلسه والتصفيق
لليخدمك وفى ظلمك للناس يجاريك
طماع ومفيش حاجه بترضيك
أنت محتاج مليون تحقيق
وعمايلك فى الناس بكره تترد لك
الناس ملهاش ذنب العيب فيك
أصحي وفوق قبل ماتقع رجلك
وساعتها الكل هيضحك عليك
والكل هيهد فيك
ويقولوا يستاهل نفسنا حد يأذيه
دا ماحدش قادر عليه
بس مش هنعملك بالمثل
أرجع لطريق الحق ربنا يتقبل توبتك ويهديك
مجلة ۞ أكَََـاديمـيـــة المـلـاذ الـأدبـيـــه ۞
...
رئيس التحرير أ/ خوله ياسين
......
رئيس مجلس الإداره أ/ ياسر السمطي
