جارى التحميل
استخدم زر ESC أو رجوع للعودة
شجرة الصفصاف الكبيره
لهجه صعيديه
فى العصاري..
تحت شجرة الصفصاف الكبيره
كنت آخد كتابي وقلم وورقه
وحتة حصيره
أفتح الكتاب وكلمه بكلمه
أطير وأحط بين سطوره
والفكره تكبر فى عقلي
زي الخميره
وأقول لنفسي !!
هو اللى كتب الكتاب
يابخته !!
عنده الف ميزه وميزه
وكنت أمني نفسي
رغم صغر سني
انى هحب أميره
زي اللى ف الف ليله
وبعد المديح فالمكمل
عشا عقلي يكمل
ع الربابه عم جابر
يدندنها بني هلال
أحلى سيره
وأجرى واقعد تحت الراديو
كأن الابنودى مطر
بيغرقنى بكلامه وتشبيهاته الجميله
وفى عيد ميلادى
ودى عند الصعايده
عاده غريبه
جاتني هديه..
مكانتش لعبه..
(مصرع كليوباترا)
مكنتش فاهم ساعتها
نص كلامها
بس كنت عارف..
طالما مكتوب عليها
أسم أحمد شوقى
تبقى هديه عزيمه
كبرت عقلي قبل سني
وفى القرايه لقيت
كل معاني الحياه
وكل ما فيها وسيله
وعرفت انى مهما كبرت
الطفل جوايا لسه
قاعد تحت شجرة
الصفصاف الكبيره
مجلة ۞ أكَََـاديمـيـــة المـلـاذ الـأدبـيـــه ۞
...
رئيس التحرير أ/ خوله ياسين
......
رئيس مجلس الإداره أ/ ياسر السمطي
