رسمت لوطنى صوره كبيره بالألوان .... علمها رسمته بلون الورد والريحان
أما الشعب فكان لونه صبر وأيمان .... وقلوبهم بيضه نقيه نقاء القرءان
أخدت اللوحه لمعرض كان وسط البلدان.... رحت عارضها وجنب اللوحه لقيت أنسان
شافها قطعها وقالى تعالى يا غلبان ....... عايز ترسم أرسم بس بلاش ألوان
قلت عايزنى أرسملك وطنى بدون ألوان .... شكلك والله عقلك خف وصابه جنان
صورة وطنى راسمها فى قلبى بقالى زمان ..... وليه أرسمها بلون الحزن والحرمان
قالى تعالى وأسأل غزه عن الحرمان .... شوف من أمتى ماسكها الغدر والطغيان
ليه مجريتش عشان ترسمها بالألوان ..... سيبت اللوحه وسيبت الفرشه للشيطان
لما أتهان الشعب العربى فى الجولان .... ولما أغتصبوا عراقنا كلاب الأمريكان
ولما أتهان رسولنا الغالى فى كل مكان ..... ليه ما وقفتش جنب اللوحه ياأنسان
عايز ترسم صوره لوطنك بالألوان ؟ ..... أرسم بس بلاش ترسم لبنان !
عايز ترسم صوره لوطنك بالألوان ؟ ... أرسم بس أمحى منها الأفغان
عايز ترسم صوره لوطنك بالألوان ؟ ..... شيل القدس وألغى غزه من الأذهان !
عايز ترسم أرسم بس بلاش ألوان ..... شيل الأخضر شيل الورد والريحان !
شيل القلب وحط مكانه حجر صوان !!!!