بتسالنى
لما بتوحشنى انا بعمل ايه
انا بفتح قلبى واشوفك
وتشتاق عينى تحكيلك تقولك
وحشتنى
لمابتوحشنى

اسهرلك ليالى
وابعتلك سلامى
مع كل طير

روحى تروحلك يا غالى
ويطمنى عقلى وبالى
انك لسه بخير

لما بتوحشنى
انت عارف يجرالى ايه
بتغير وتغيب الفرحه عنى
وافتكرك وادور على حد يعرفك
وعليك يطمنى

لما بتوحشنى
انت عارف بروح فين
بروح على كل مكان
اتقابلنا فيه
وأستناك تجينى
ولما الليل يليل
والقمر يبدء ينور
احكيله على الحال ال انا فيه
وعلى شده حنينى
لما بتوحشنى