قصيد في العامية المصرية
((الجزء الثاني))
.......................................

بعنوان ومين سمعك
ومين سمعك يا خالة
و مين شاف دمعة
فوق اخاديد خدودك ميالة
و مين شاف الحزن بعنيكي
واكتاف انهدت
تحت السنين شيالة
ومين سمع حرتك
اما المرض هدك
لما صار الوجع قدك
و اما الاه مع كل زفرة الم
بتخدك وبتردك
اه على سنيني
اه على شقا روحي
وضنى عيني
اه على ظهر من الهم انحنى
اه على دهر عدى
وانا بستنى الهنا
ومين سمع الدكتور
بعد الكشف بيقولك
حالا لازم تجيبي الدواء
ونصيحتي ليكي
تواضدبي على جودة الغذاء
لحمة و خضار وفواكه وكذا
سكته ليه
انت مش فاهمه علي
يا خالة
بس مين سمع صوتك
في الحشا
بيصرخ
بيقول
يا ابني قرشيناتي
اخذتوهم كلهم بمكتب القبول
وقلتولي ما فيش دواء
كل همي دلوقتي
مش الوجع
بس ازاي ارجع انا
مصاريف النقل
قعدت احوش فيهم سنة
لحد ما الوجع
قام ووقع
وانهد من الوجع
وقرب من الفناء
يا ابني اما ارجع
مطرحي
هلاقي وقت طويل
افكر فيبه براحتي في حكايات الدواء
و قصص الغذاء
ومرت بعض الايام عن الحالة
ولا حد منا شاف الخالة
ومين سمع صوت عصفور
بكوخ مهجور
يطرب لفنه
الحزين والعليل والمقهور
برفرف عند راس الخالة
وبزفلنا خبر موت الوجع
===============

..