ياعم الفقر ماتسبنى
طريئك شوك معذبنى
ابات حيران واقوم من النوم
ملازمنى مصاحبنى
ياعم الفقر ماتسيبنى
سنين وياك وانا تايه
واقول بكره يفوت بكره
واقول بعده يفوت بعدة
وضلك غيامة شوك مصحبانى
يعدى نهار ويجى مساه وانا واقف
واتحايل عليك تمشى
تقول وانا مالى ماينفعشى
رغيف العيش يفوت يضحك
امد ايدى اصطاده
الاقى ديابه تسبقنى
وصرخة بطن تالمنى
واشيل كاسى ومش ناسى
وانا عارف ماليش بخت من الاول
ياعم الفقر ما تسيبنى
طريقك شوك معذبنى
رميت الدنيا ورا ضهرى
وقلت توبه ابصلها
ومشيت وانا بجرى على مهلى
وصوت صاحب بيندهلى
فرحت وقلت ظهر وزقزقلى
لقيت الفقر ادامى بيسباقنى