بقطاعانهيت دراستى وكفاحى وبقيت لفترة مرشد سياحى
ولغتى كانت ايطالية لافراد ومجموعات سياحيةوحسيت بعزة وكرامة لتاريخ بلادى وحضارة
ونشرت لى كتاب وسياحى واسمه يوميات مرشد سياحى
باحكى تجاربى اليومية لمواقف عديدة وسياحية
وكان لى صاحب عالفيس بوك ايطالى اصلى يحب يلوك
واسمه ماركو الرومانى ولغته حلوة وعاجبانى
من روما بيتزا ومكرونة وبيحب مصر المحروسة
ودعيته مرة وكمان جانى ورافقته واسمعته اغانى
وعلمته يعنى العربية واكل فول مع طعمية
وبقى يجادلنى بعامية ويقول لى عايز ملوخية
ويقلش بخفة وفكاهة وكأنه مصرى بفتاكة
ويحب يسمع كده لسومه ويقول دى حلوة ومهضومة
وزيارتنا كانت للاهرامات رمز الحضارة والابتكارات
وقلت له ياابن الايطالية شايف الفخامة المصرية
هنا التاريخ فى الجبانات هنا العراقة والحضارات
واصر يركب برضه جمال وسبحان مغير حال عن حال
ولبس فى راسه يعنى عقال وقال لى انا بدوى ورحال
وكأنه عاش ده سنين وايام مع الفراعنة منذ زمان
وقلت له ده هرم وعظيم بنوه بدقة شباب الجيل
واسمه يعنى هرم خوفو بصوا الفخامة وكمان شوفوا
ملايين حجارة وجيرية رفعوها بهندسة عالمية
الاف سنين ثابتة وشاهدة وعصور توالت فى مشاهدة
وهبوها لحياته الابدية وفيها كنوزه الفرعونية
ويا ميت خسارة الحرامية نهبوها خلسة بحرفية
والتانى برضه ده لخفرع فرعون وابنه بيستكبر
حلف ده يبنى جنب ابوه وكنوز ده هرمه كمان سرقوه
وتالتهم لابنه منقرع بجنب جده ووالده اتزرع
وكساءه احمر جرانيتى جابوه بمهارة وتخطيطى
وتحتهم يجى ابو الهول نحتوه بدقة وجابوا الجول
رمز الحماية الكونية وشاهد لعظمة فرعونية .
واحرجنى فجأة كده بسؤال طب ليه بيبنوا فى كل مكان
احترت فى اجابة على سؤال ولعنة فراعنة تهد جبال
وقلت يمكن حنين ياغزال وقرب المحبة يزيد فى شوال .
مع تحيات الفقير الى الله
ياسر شرف- كبير محررين مترجمين
الاخبار- الاذاعة والتلفزيون
