من أمّ لولدِها العاق
*******
بقلم الدكتور صبرى إسماعيل
*******
إبنى الغالى
وضنايا فى رحلة أيّامى
يا كل حروف الهمس بصوتى وكلامى
والضِحكة الصافية الأولى
ومعانى البهجة وإلهامى
بافتكرك وانت بتحبى أوّل خطاويك فى الدنيا
وانت بحضنى وأنسامى
وانت بتعبر يمّ النور بقصصى وأحلامى
وانت بتهتف حرف الميم
وتركّب بالحانك كلمة ماما
وانا باحلم بك مرفوع الهامة
تسجد بسجودى تركع بركوعى
تتعلم بكفاحى كرامة
بافتكرك وانت بتبنى جذور المجد
بإيدك وكتابك
وبدعوة أمّك على بابك
تسهر تتألم ل نواحك
وكبِرت وكِبرت أحلامك
وفى وسط التوهة نسيت إنّى
وب جرى العُمر يزيد همّى
تبعد عنى!
وآهات الدنيا زادت سِنّى
وانا فاكرة ان فى حِلمك حِلمى
ولقيت الوهن الجوّانى
والحزن الآسى بيكسرنى
بانده ولا باسمع صوتك
فى ربيع العُمر يطمّنّى
وكأِنّك هارب من شوفتى
ومهاجر ياحمام البِنّى
كان نفسى تكون اللى رويته
وبعرقى وعمرى استنيته
ترحم عبراتى اللّى بتصرخ
وتدوب فى الحِلم اللّى بنيته
والاقيك بالقرب أمّا انده لك
وأكون فى أجندة أيامك
وأكون من جِملة رسمالك
أتألّم ألاقيك ضلالية
لمّا انده ألاقيك جوّايا
ولا اعانى من غربة نفسى
وصراعى يضاعف من يأسى
ودموعى تزوّد من همسى
وبرغم الصدّ الساكن جوّاك
وبرغم الهجر فى ظُلمك وجفاك
بادعيلك ودعايا بقلبى
ولا تبقى الكفّارة لذنبى
يغفر لك ويعينك ربّى
يغفر لك ويعينك ربّى
زوجة أسعد{زجل ساخر
****
زجل الدكتور صبرى إسماعيل
********
خطـب الأسعد بنت عظيمة---- حلوه جمالها
ولا فى السيما
حلم جميل اتحقق جداً --------------خفة
ظـل وبنت كريمة
*****
بعد الدُخلة اتبدّل حالها --------سِِمنت لمـّا
الراجل جَالها
حتى الرِقّة اتسرقت منها----ياأختى عليها وعلى
أحوالها
*****
كل احلامها صنية محشى ----الله عليها فى
وسط الطرشى
برضه يوماتى صداع يمسكها-----بعد العصر
ماتعرف تمشى
*****
تلعن كل بنات الشاشة--------قال فساتينهم
ناقصة قماشة
طب عقبالها يِخسّ قماشها------تِصبح فلة
وأحلى بغاشة
*****
فى الليل تلبس لبس زيادة ------وان يزعل
بتقوله عباده
صوت مسترجل حاجة تبرجل------فجأه تشخّر
زى العادة
*****
فجأه الأسعد بقى متنيل-------------راح
للازرق راح للتيّـل
نفسه يشوف الدنيا جميلة----نفسه يا خلق فى
حتة عيِّل
*****
أصبح مثله الأعلى مونيكا-------أوحريمات
روسيا وأمريكا
عايقة ورايقة مش مضّايقة---شكل الأزمة هتبقى
وشيكة
عناقيد الغضب
*********
أشعار الدكتور صيرى إسماعيل
********
سألتُ أمّى عن أَبى
قالت ذهب
حلمُ يراوده أملُ
فأصابهُ كلُ الخَطب
وسألتها عن عمّى قالت
تاه فى الدنيا اِغترب
يمشى دروبَ المستحيل
بدون كللٍ أو تعب
وسألتها عن أخُوتى
قالت عناقيدُ الغضب
دمٌ يسيل ليفتدى
أرضاً يعيثُ بها فساداُ مُغتَصِب
*****
وسألتها عن غصنِ زيتونٍ حزين
وعن صغارٍ لا تَكلُّ ولا تلين
ترمى حصونَ المعتدى بكل ألوانِ الغضب
وسألتها عن أهلِنا وعن الرفاقِ الغائبين
قالت بفرحٍٍِ خُلُدوا وعندَ ربّى أَحتسب
وعن رفاقِ الأمسِِ فى دربِ النضال
وعن قراراتِ غبيةِ أرغَمتنى على السؤال
وعن ملايين العرب
قالت توارت خلف سُحبِ الخوف
وصمتٍ مُنتحب
******
وسألتها عن قدسِنا ماذا بها
قالت قريباً تنجلى كل الغيوم
ووعدُ ربى يقترب
وسألتها عن سِرّ حزنِِ حجارتى
قالت شُغلتُم للأسف
بلا مبرر أو سبب
وسألتها ولما بلادى وحدها!
يعلو بها صوتُ الأنين
ويزيدُ مَجلسُ أمنِهم ثكلانا واليتمَ المهين
وتذوبُ من تحتِ القدم
أرضى وبلدُ المؤمنين
*******
ولماذا وحدى ألتمس بيتاً كما كلُ البشر
فلا أجد إلاّ النعوشَ وقبرً يحوينى حزين
وأظلُ أبحثُ عن وطن
يكون لى مثل جميع الأخرين
ولما صِراخى يرتفع
فيلومنُى كل الطغاةِ المجرمين
ولما جروحى غائرةُ لا تندمل
ودمّى يجرى فى الحاراتِ حزين
********
نظرت بعجبِ ثم قالت وأردفت
هذا قضاءُ وابتلاءُ قد كُتب
ومقدرُ
من رب هذا الكونِ ربِ العالمين
فأدعو مع أن ينتصر مسرى النبّى
على الغزاةِ على الطغاةِ
وعلى جميع الخائنين
وقل معى آمين آمين
أميرتى من تكونى؟
******
شعر الدكتور صبرى إسماعيل
******
أميرتى من تكونى؟
أأنتِ الحلم الذى عشته بصبايا
ونسجتهُ من شجونى!
أم القلب الذى أهوى إليهِ
كلما جنّ جنونى!
ضحكة الربيعِ الصفو فى خيلاءهِ
وابتسامة العمر فى شوق عيونى
أم حبيبتى التى تمنيّتها
سحرَ الشرقِ فى ظن ظنونى
وخيالٌ رائعٌ تغنيّتُ بهِ
تلألأت كلماتهُ بالحنونِ
صمت العِشقِ الذى أُخِذتَ بهِ
رغم أنف مجونى
أميرتى من تكونى؟
وبأى أرضٍ تشعلين صبابتى
وتراوضين حصونى
وتلهبين بهمسِكِ الرقراق همسى
فينتفض من روعتِكِ سكونى
أنتِ ياسيدتى كالبدرِ فى علياءه
والكأس الذى لو حُرِِمته, أسكرونى
والشمس التى تضئ حياتى
والخيال الذى يُخرجنى من سجونى
ودنياى التى طالما تمنيتها
وقمرا يزيد بضوءه لمع عيونى
أحببتك ياسيدتى وكنت لكِ
فكونى
يا عشوائى---- {صرخة سكان العشوائيات}
******
زجل الدكتور صبرى إسماعيل
*****
لأنّى عشت ع الهامش وع القضبان
ماليش حارة ولا شارع ولا عنوان
ويمكن برضه ما اتعدّش من السكان
كأنّ الدنيا مش ليّا وانا الحرمان
وشاكك إن انا إنسان
*********
ولمّا اصرخ ---ينادونى {يا عشوائى}
فى نُطق الحرف------عشوائى
وحتّى الحظ-------عشوائى
وفى أكلى وفى شُربى وحتى كل أنبائى
ولمّا الباشا يتكلّم—كلامه برضه إنشائى
********
ودايما ابقى انا المشبوه
أنا المنبوذ—أنا المكروه
وانا اللّى بس مكتوب لى –فى بلدى أتوه
وانا الباكى على نفسى—ياخلق ياهووه
**************
ناديت الحِلم بكفاحى ومن عِشّة
فى دنيا ل وِسطِنا حشّة
وبعضيهم يعاملنا كما نامس
مانستاهل سوى رشّة
وقضّيتها حياة هشّة
ولمّا افزع عشان بلدى
يقولوا {قلة مندسّة}
*************
بنمشى,,,, يبعدوا عنّا
واذا سلّم تكون مِنّة
وسيدى الخولى فى البندر
تملّى برضه بيهيننّا
وكل القسوة بتعدّى على عيننّا
*********
وإن لمحونى فى مظاهرة –ياويل ويلى
تغيب الشمس تتهرّب ولا تجيلى
وادوّر مالتقيش حيلى
ولا يعفينى تعليمى وترتيلى
ولا دمعى بمنديلى
***********
وظلموا حتى أولادنا
وحاصروهم بركن حقير
خلاص الحِلم جوّاهم سراب بيطير
ودا ذنبى لأنّى فقير؟!
دموع الحُزن بعينيهم تصير أعاصير
ومين يصبر ومين يرحم يا أهل الخير
