جميلة الأوصاف-----{جزء من القصيدة
*****
زجل الدكتورصبرى إسماعيل
*******
على شط بحر الهوى ماشى وباستخفاف
لمحت من بعيد صـبّيه جميلة الأوصاف
الشعر أسود وناعم مسدول على الأكتاف
والوجه سُبحان ما صوّر خلّى القمر مانشاف
ورموش تِشـدّك إليها لكن بكل عفاف
والحُسن ع الخدّ باين طيّب رقيق شفاف
الرقـبه بنّور منور ترهب السيّاف
أحسن ما فيها أصيلة وأهلها أشراف
من نظرة دقت الغرام وشـعرت باستلطاف
رُحت لها سبّاح وعايم ولخِصرها طوّاف
قلت لها فلاح وهايم ماتكسّرى المِجداف
طارت ما ردّت عليّه وضربت بالأكفّاف
أتاريها كانت صـبية جِنيّة ماتِنشاف
إلى السليط الشيعى {ياسر اللاحبيب
الذى تجرأ على الصحابة وعلى رئيس مصر
*******
زجل الدكتور صبرى إسماعيل
******
ياسر ياشوم البشر-------- والحقد فى قلبك
ترمى خيار البشر ---- حتى اللسان جار بك
ياللّى شيطانك قوى-----ول الدمار سار بك
نارك فى اخر النفق------آخر مطاف حربك
******
تسبّ ليه أمّنا-----------والصحبة والأخيار
حفصة وحبيبة النبى----وبنت صاحب الغار
ورمز عدل البشر----------الفارس المغوار
وذى النورين حبّنا--------والقدوة للأحرار
******
مهما عويت فى الفلا----إياك تعيب فى كبير
مصر ورئيسها القوى---واحنا وراه طوابير
ان قال نقول لبيك------وانظر على التحرير
الكلّ واحد فى مصر---خلف الرئيس هنسير
أنا عايزة اعيش{صرخة طفلة مريضة بالقلب
******
شعر الدكتور صبرى إسماعيل
******
أنا عايزة اعيش
والآه تهاجر من حياتى كلّها
ماتزلّنيش
ولا يوم نعانى من ألمها وظلمها
واحلم بحِلم يكون قريب من حلمكم
وارسم على ورق الجناين زيّكم
واستنى فجر الليل يقرّب يبتسم
واترجّى بسمة ع الشفايف تترسم
ييجى النهار ,,ييجى العمار
كل الألم فى غربتى يصبح مفيش
أنا عايزة اعيش
*********************
**********
أنا عايزة اعيش
وافرد جناحى فى دنيتى زى الطيور
وماتنتهيش
أبداً يافرحة بسمتى بين الزهور
نبنى سوا حلمى وصباه
يجرى ونجرى كلّنا بالشوق معاه
لا ف يوم ألم يحزن معالم وحدتى
ولا يوم ظلام يطفى بقساوته شمعتى
والقى الحياة ,,بعد المتاه
رغم الألم بين البشر مابينتهيش
أنا عايزة اعيش
********************
**********
أنا عايزة اعيش
ودموعى تجرى من الفرح
وانده مفيش
يارب غيرى ب زىّ جرحى ينجرح
ويعيش صحابى خير سلام مع أهلهم
لا ف يوم شعور الحزن يهزم قلبهم
بكره اللى جاى-قمرة وضىّ
ويكونوا جندك يابلد درعك وجيش
أنا عايزة اعيش
-----
----
مع تحياتى للطبيب الإنسان مجدى يعقوب وفريقه الرائع
وحتى الفِجل والجرجير----{ ورابطها فى اليوتيوب}
******
أشعار ساخرة للدكتور /صبرىإسماعيل
******
نزِلت السوق أجيب كوسة------لقيت الست منحوسة
بتندب حظّها تِشكى----------على حالها وع الحوسة
******
تِقول السِعر متنيّل--------------وفوق إنت ماتتخيّل
بلاش المانجة والرِنجة---------ولا ع العدس هنميّل
******
طماطم أيه يامجنونة--------علامك صِرتى شعنونة
وذِرّ خِيار محيّرنى---------------مع الأتّة بيهرونا
*******
عِنب بيهِدّ فى فلوسى------يارب تِسدّى ياضروسى
على النار اللىّ ولّعها------فى سوق الغمّ محروسى
*******
وحتّى الفِجل والجرجير-------بيتآمروا بشكل خطير
يمين بالله إذا زادوا-----------لاهارفع راية التحذير
*******
وحتّى القمح والتفاح-----------بتتكبّر وولدى ناح
وحتّى الرز والبامية---------يعاندونا مسا وصباح
******
ياسوق الغمّ ماتهدّى----------مِسير النوة هتعدّى
ويوم الظُلم يتّفجّر-----------كما قالها زمان جِدّى
كما قالها زمان جِدّ
