صابر الطوخى//شعبيات//انتى لية مبتتعبيش

انتى اية مبتتعبيش من المناهدة والعتاب

وشايلةلية لقلبى من الجراح اكبر مناب

كفاية بقى ارحمى نفسك ورحمينى

ولما اقولك برئ نفسى مرة تصدقينى

ياكل واحد من طريق ارجوكى وسبينى

ولا ناوية على المرار ياحببتى تعودينى

كان نفسى مرة بحبك ليا تحسسينى

بدل متشكى فيا وفنفسى تشككينى

انتى كدا بشكك واساكى

بتدمرى نفسك وبتقتلينى

نفسى فيوم تسمعى كلامى مرة

وتعيشى وفحضنك تعيشينى

قبل متزيد الجراح من عميلك وتكرهينى

انتى لية بتعذبى العذاب فهوانا

انتى لية حطيتى المرار فى دوانا

انتى لية بتئلمينى انتى لية بتجرحينى

ياخصارة الحب اللى كان بنا

وضيعتية من بين اديكى

اللى كان ناقص يبكى ويدمع

من جفاكى ومن اسوة عنيكى

كلة طار فى الهوى زى الرماد

ابكى علية ودمعى ورفعى راية الحداد

مانتى معدش فى قلبك ذرة حب ولا لحظة وداد

وانتى فى الاحزان مش محتاجة حد يوصيكى

مليا حياتنا بيها رغم انى قلبى شريكى

هوانا كنت بحب عشان اعيش وسط الجراح والاسى

وكل حاجة حلوة بنا فلحظة بين ألآمك تتنسى

انتى عوزة اية ارجعك تخدى دروس حب فى مدرسة

ولا انتى فاكرة ان كل الناس خاينة

وانتى لوحدك اللى مخلصة

كفاية شك بقى حرام عليكى تعبتينى

وبين الشوك والاوهام وفوسط

همومك زرعتينى

انتى لية بالبطئ بتموتينى

تسمحى كدا بقى كفاية ومن جدورى تقلعينى

منا تعبت كلام ومش عوزة لا تفهمى ولا تصدقينى

وخايف بكرة من غير سبب يجى اليوم اللى فية تخدعينى

او تقولى اشمعنى هو خنى وتخونينى

انتى طبعك كدا ومهما اقول مش هتصدقينى

بس ياريت لو قبلتى قلب تانى

متعملهوش زى معاملتينى

صابر الطوخى