بقلم الكاتبة//أســـــــــــــماء محــــــــــمد محـــــــــــمد //كتر غيابك

كتر غيابك
حبيبى من كتر غيابك

مبقتش عارفه إنت حقيقه ولا خيال

يعنى أنا حبيت ولا ده شىء من المحال

شوفت بقى كتر غيابك عمل فينى إيه

خلانى ادور عليك بين سطورى

اللى كتبتها وانت معايا تحت ضوء القمر

كلمات لما اقراها بغيابك أسأل نفسى ازاى كتبتها

افتكر نظرات عيونك لما كنت تبصلى

نظرات كلها شوق وغرام

ولا همسك لما كنت تقرالى قصايدك

وتقولى يا حبيبتى كتبتهالك

انتى وبس اللى سحرتينى

انتى وبس نور عيونى

انتى أنا وانا إنتى

ولما تيجى تودعنى

كنت تقولى يا حبيبتى

خلى بالك منى

مانتى يا حبيبتى منى

قلبى وياكى بينبض بين ضلوعك

ايوه قلبى بين ضلوعك

هوه انا موش خدت قلبك

قربى واسمعى همسه

حسى دقاته بإيديكى

هيقولك يا حبيبتى حبك خلانى اتولد من جديد

قلبى وياكى بينبض وسعيد

اقسم انى يا حبيبتى اتولدت على اديكى بعمر جديد

شوفت بقى يا حبيبى

غيابك عمل فينى ايه

خلانى مبقتش عارفه

هل أنا حبيت ؟

ولا دا كان حلم ومنه أنا صحيت!!!!!!!!!

بقلم أسماء محمد محمد