إلى كل إنسان يشتاق غلى ذلك الحضن الذي لا حضن مثله ... مساؤكم نبض 
( بارقص على شط القمر )
كل القلوب بعد قلبلك مش كفايه
و مش كفايه 
اني أقول : أنا كلي ملكك 
باعشقك
آه باعشقك
يا ابو البيوت اللي بتفتح صدرها 
شطين حنان
يا سندباد و انا لسه نسمه مخضره
و جناح حرير
قلبك ده طير 
يفرش جناحه ع المدى فوق العيال حتى العنيد
يا ابو الحنان
حضنك أمان
نظرة عينيك
فيهم دفا كل البيوت
بُعدك ده موووووووت
و انا لسه عايش باتولد 
قدام عينيك في كل يوم إنسان جديد
قلبك حليب
و اللقمه من إيدك عسل
لسه الوليد في قلب قلب دنيتي
ماسك ايديك وماارتواش
مع انك قلبك لللبشر فدان ورود
مالهوش حدود 
الصدق جوه ضحكتك تشفي الوجع
يا مييييييت سند لما الحياه تقسى و قوي
وياك باعود ......
رغم الجراح الممكنه
وهموم كتيييييير مالقهاش عدد
زي الجريد
بارقص على شط القمر
إنت المثل للمحرومين طعم الأبوه الطيبة
لما تجود
لمسة إيديك فوق الخدود تطرح شجر
غصنين زيتون
تمسح دموع المطرودين بره الحياه 
الله عليك
يا ابو الخلايق كلها
ربك حنون
قادر يشيل كل الألم
وتعود معاك كل الحياه
إفرد سجاجيد الصلا
و انسى الجراح
قلبلك براح
عشان خلود الروح يفرش مناديل اللقا 
فوق البيوت
أصلك حدود الكون
وبعد منك
منتهاه