نهايته
العمر طويل وحكايته
قطر الافراح اهو فايته
يا دنيا اسيه وخوافه
امتى تعاملينى بلطافه
كفايه على الحزن وقساوته
نهايته
غلبت اقول يا هل ترى
ساعات الفرح مأخره
الفرح لو حب يجينى
رجل قدام ورجل ورا
ومش عارف ايه تبقى حكايته
نهايته
ادينى مستنى وغصب عنى
مش عارف احزن ولا اغنى
غنيت احزانى من غير داعى
غنيت فرايحى لاقيت اوجاعى
نشرت فضيحى
طب ايه تانى وايه اللى جانى
من احزانى
وايه اللى خدته
نهايته
يا دنيا كفايه بقى تقليعه
خليكى مره وياي وديعه
بتضيقى معايا ومعاهم وسيعه
ايه اللى شربتوا وايه اللى كلتوه
نهايته
يافرح تعالى لحالى وزوور
جناح الامل بقى مكسور
تعالى لى ودقق القلب شقق
الفرح ليلاتى يبات مكسور
ولو مش مصدق شويه دقق
اسئل احزانى
مين الجانى
واصل الاحزان
مش حتشهد زور
ادى القلب وادى حكايته
نهايته
مستنى حكمك يازمان
اصل الاحزان شاغله المكان
امشى واسيبها واوعى تجيبها
يا اما تسينى حزنى معذبنى
القلب غلب وكمان تعب
ودى حالته
نهايته