سواق
سواق زمان
انا من زمان
سواق واسطى
ومعايا رخصه
من غير وسطه
من الجيران
سواق واصلى
وفاهم وجبى
فاهم طريقى
مهو اصله صديقى
سواق وعايش
حياتى راضى
وانا مش فاضى
للعب عيال
سايق رايق 
اغنى غنوه
او اقول موال
عمرى ما اضايق
افضل سايق 
قدامى احلامى
وواخد بالى 
من اللى امامى
اخلى بالى
اكون امامك
تخلى بالك
تبقى امامى
انا احلامى
خلاصة كلامى
انى اعيش
عيشه هنيه
مستوفيه
ومتعشيه
نسئلى بتعب ؟
ايوه بتعب
والصراحه 
فى شقايا راحه
جوايا رهوان
بيجرى اميال
مش علشانى
علشان بيتى
وعيون العيال
لجل ماتنج
فى كل امتحان
اصل العلم 
عمره ماهان
ده يخليهم
ينفعوا حالهم
مش اهاليهم
من زمان
سواق من زمان
وعندى سمعه
زى النجمه
وحياة النعمه
مش تمييس
انا اصلى حسيس
وبكره اللى
جواه خسيس
وبحب اللى
جواه نضيف
ويكون شريف
واه يا بخته
لما يكون شريف
خفيف واصله 
كمان عفيف
حاجات ما لافيها
الا فى الريف
عارفين الفصل
عارفين الاصل
وحساب الملح
والرغيف
يعرفوا ايه معنى
انسان
من زمان
سواق من زمان
دى مش تخاريف
مانا اصلى سواق
من الريف
هو دا حالى
من غير تحريف
اصل الاصل
هو التعريف
يا انسان
من زمان سواق زمان