الفتى المصرى
بقلم سمير الجمل
~~~~~~~~~~~~
متعلق
متعلق يا قلبى زمان
متعلق جواه احزان
متعلق
متعلق شايفنو فرحان
متعلق وياه الجان
والجان كان يوم سجان
متعلق
متعلق وداخله شقوق
من تحته لغاية فوق
متعلق 
اوعى تقلق
متعلق قلبى فى ميادين
عاشق ساقيه
عاشق النيل
والتوته وليل المواويل 
متعلق
متعلق بجبال وتلال
جواه الحب شلال
اللى يقرب له
يتغرق
متعلق
وهو هناك لمح صبيه فى الشباك
وقلبه بالسور اتعلق
متعلق
متعلق بالاقصر اميره
فاتت سنين وهى عليله
متعلق واحتار ميت حيره
متعلق
متعلق والحلم بعيد
والحب بقلبه بيزيد
دخل من باب الاقصر الحديد
قبل الضهر بالتحديد
ولا قلق
تحت الشجره كانت ضليله
راحت عينه فى التعسيله
والاحلام حلوه جميله
والفرحه ويا الاميره
والطرجه لجبينها طويله
وبتذوق
متعلق
----------------------
الجزء الاول(الشاطر العصرى الفتى المصرى)
بقلم سمير الجمل